የእንግሊዝ መንግሥት የፀረ ሽብርተኝነትና የበጎ አድራጎት ሕጎች ተቃዋሚዎችን ፀጥ አሰኝተዋል አለ

የእንግሊዝ መንግሥት የሰብዓዊ መብት አያያዝንና ዲሞክራሲን በተመለከተ ባለፈው ሐሙስ ባወጣው እ.ኤ.አ. የ2013 ሪፖርት፣ የኢትዮጵያ መንግሥት ከምርጫ 97 በኋላ ሥራ ላይ ያዋላቸው የፀረ ሽብርተኝነት፣ የበጎ አድራጎትና ሌሎች ሕጎች ተቃዋሚዎችን ለመቆጣጠርና ፀጥ ለማሰኘት ጥቅም ላይ እየዋሉ ነው በማለት ክፉኛ ተቸ፡፡

There is indeed a terrorist organization flourishing in Ethiopia, committing crime against humanity and violating the human right of the people. Its terrorism is delivered by the state in the shape of  Weyanee  government.  Ashenafi 

ሪፖርቱ የኢትዮጵያ መንግሥት ከምርጫ 97 በኋላ የወጡትን ሕጎች በመጠቀም ተቃዋሚዎች ላይ እየደረሰ ያለው ጫና፣ የእንግሊዝ መንግሥትን ክፉኛ እንደሚያሳስበው ገልጿል፡፡ የፀረ ሽብርተኝነትና የበጎ አድራጎት ሕጎችም በሪፖርቱ ከፍተኛ አጽንኦት ተሰጥቷቸው ተዳሰዋል፡፡

የፀረ ሽብርተኝነት ሕጉ ከወጣ በኋላ የተቃዋሚ ፓርቲ አባላትና አመራሮች፣ ጋዜጠኞች፣ ሰላማዊ ተቃዋሚዎችና ሌሎች ለእስር መዳረጋቸውን ሪፖርቱ ገልጾ፣ የበጎ አድራጎት ሕጉም በኢትዮጵያ ሲቪል ማኅበረሰብ የዕለት ተዕለት እንቅስቃሴ ላይ ከፍተኛ ተፅዕኖ አሳድሯል በማለት የሕጎቹን አፋኝነት አትቷል፡፡

የሪፖርቱ ክፍል 11 በዋነኝነት በአገሮች የሰብዓዊ መብት ጉዳዮች ላይ የሚያተኩር ሲሆን፣ እንደማሳያነትም የ28 አገሮችን የሰብዓዊ መብት አያያዝ ተንትኗል፡፡ ከእነዚህም አገሮች መካከል ተጠቃሽ በሆነችው ኢትዮጵያ የእስረኞች አያያዝን በተመለከተ ባቀረበው ትንተና የሰብዓዊ መብት ጥሰትና የእስረኞ መንገላታት መኖሩን አስረድቷል፡፡

ይህ የእስር ቤቶችን ሁኔታ የሚዘረዝረው ሪፖርት የተጠናቀረው 170 የሚሆኑ እስር ቤቶችን በመጐብኘት መሆኑን፣ ምርመራው የተካሄደውም ያለምንም ቅድመ ማስጠንቀቂያ እንደነበር ተገልጿል፡፡

በዚህም መሠረት በተለምዶ ‹‹ማዕከላዊ›› የተሰኘው እስር ቤት በዓለም አቀፍ ማኅበረሰብ በእስረኞች አያያዝ ምክንያት ከፍተኛ የሆነ ወቀሳ ይሰነዘርበታል በማለት ሪፖርቱ አትቶ፣ በእስር ቤቱ ውስጥ ግርፋትና መንገላታት መኖሩን ጠቅሷል፡፡

በኢትዮጵያ ሶማሌ ክልል ‹‹ልዩ ፖሊስ›› የተባለው ኃይልም እያደረሰ ያለው የመብት ጥሰት ሪፖርቱ ዋነኛ ትኩረት ካደረገባቸው ጉዳዮች አንዱ ነው፡፡

ምንም እንኳን የተጠናከረ የፀጥታ ቁጥጥር መኖሩ ለክልሉ ያመጣቸው የመሠረታዊ አገልግሎትና የመሠረተ ልማት ዕድገትና አንዳንድ ጠቀሜታዎች መኖሩን ሪፖርቱ አስረድቶ፣ ‹‹በልዩ ፖሊስ›› ኃይል አባላት በክልሉ ተፈጸሙ ያላቸው ግርፋት፣ ማሰቃየትና ግድያ መኖራቸውን በመግለጽ ክፉኛ ይኮንናል፡፡

በዚህ የተነሳም የ‹‹ልዩ ፖሊስ›› አገልግሎቱ እንዲሻሻል የእንግሊዝ መንግሥትና የተባበሩት መንግሥታት ድርጅት በኢትዮጵያ መንግሥት ላይ ጫና እያሳደሩ መሆኑን ጠቅሶ፣ የኢትዮጵያ መንግሥትም መስማማቱንና ችግሩን ለማሻሻል ቃል መግባቱን ሪፖርቱ ያስረዳል፡፡